بقلم الشاعرة/ مني صالح
،،،،،،،،،،،،،،،،،،،،،،،،،،،،،،،،،،
كان سلامـــك ليــه يا قلبــــــــي
يكفــيني دمعـــــة وداع
نبتدي ، أو ننتـهي ،
هي هي مـ البداية ،دامعة رايحه
للنهاية
لسه سامعه صوت سكوتك !
بين كلامك وفـ الكلام
لسه بيونسني صوتك
بس قلبي كان حزين
لسه نازف .. مـ الآلام وﻤــ الانيــن
لسه مش عارف تخبي دمعـة في لحظه وداع
كان سلامـــك ليــه يا قلبــــــــي
يكفــيني دمعـــــة وداع
لسه بحلم .. بالرجوع
لسه موجود الألم والقلب تايه فـ الضلوع
نفسي أنسى
نفسي أبعد حتي ثانيه
نفسي أبعد عن عيونك
لما تحكي بدون كلام
نفسي أنسي في يوم سكوتك وابتسامه بتنسي الخصام
نفسي أنسي نبض قلبك و عشقه بدون كلام
نفسي أنسي حتي صوتك في كلمه بحبك
كان سلامـــك ليــه يا قلبــــــــي
يكفــيني دمعـــــة وداع
نفسي أقولك
رغم إني كنت سامعه
كنت أحب أسمعها تاني
كنت نفسي تدوق حناني
وأنت زيي كنت فاهم
بس قلبك كان أناني
كل ما أقولك بحبك كنت أحب اسمعها تاني
كان سلامـــك ليــه يا قلبــــــــي
يكفــيني دمعـــــة وداع
بقلم مني صالح
