حبي وبعاهدك
بإني أكون سبب
سعدك
وإني أكون
مثل أعلى
للبيحب ويساندك
بجدد
حبي وبوثق
كلمتي في
قلبي هو
محل توثيقي
وشهر عقاري
وتاريخه بدايتة
اليوم بشهادة
ميلادي وشهادتك
بجدد
حبي لتكوني
عروسة في
زي حورية
وقبلة عربون
محبة من قلبي
لتفاح خدك
أنا مين
أكون مثلا
من غير حضن
بحنانك وعطفك
ومشاعرك وإحساسك
وقليل شوية
من ودك
بجدد حبي
وإنسي الماضى
كله بكل مافيه
في لحظة أخدت
على خاطري
ولساني أهانك
وصدك
أنا المتيم بيك
أنا مش لازم
أعاديك
أنا المفروض
ألملم بيك
أداويك
إنت الأم والأخت
والزوجه والداده
وربة بيت
وكحلة متحكلة
عينيك وعطر
وريحانه معلش
هاحاول أرضيك
لكني أتمنى
تكوني حبة
لطيفة في
ردك أنا بارضوا
أكون منك
كنتي فى يوم
أمي وكنتي
في يوم مني
ضلعي إل إنكسر
كنتي ولا ساعة
عندي ماهنتي
كنت أتحملك
وكنت أصبر
على إهانتك
وكنت أفرق
مابين هزارك
وهزلك وجدك
أنا مين
أكون مثلا
عنواني نبيي
وصى عليك
ووصاني أكون
عسلك وأكون
شهدك
وأكون كتفك
وأكون عوضك
وأكون رجلك
وأكون بحرك
وأكون شطك
وأكون إبنك
وأكون أخوك
وأكون أبوك
وأكون جدك
بجدد
حبي وبعاهدك
بإني أتمنى
أموت قبلك
إنتي من غيرك
حياتي تضيع
لا هاقدر
أحس بإولادي
وإحساسهم ولا
هاعرف مشاعرهم
إنتي فى لحظه
بتكتشفي إية
في ضمايرهم
وإيه بتكون
مطالبهم
أنا حي الله
على الهامش
إن غبت
بتكوني
مسامرهم وشاقوش
بيدق لو غلطوا
وقلب واسع
بيحضنهم
وطريق ممدود
لمصيرهم
بجدد حبي
وبعاهدك
ترنيمات وخواطر.بقلم)
الشاعر(خيرى حسنى..)
