تحيـا مصر و قولوا تحيا … و احرسوها ف كل ناحيه
إسندوها ب قلب دايما .. وخللي عينكو عليها صاحيه
تحيـا شامخه قوي و عفيه … ….. بالسلام و البندقيه
تحيـا صبح .. و مغربيـــه ……… تحيا بدل المره ميه
تحيـا مصر ب عزم جيشها ……. و بنضال المخلصين
تحيـا و تضلل ب ريشهـــا …. … ع العيون السهرانين
تحيـا مصر ب كل ناسها …. من أساسها ل حد يومنا
تحيا وتضم اللي غاثها .. م اللي صحوا فيوم همومنا
تحيا من شيخها لوليدها ….. من رئيسها ل الشويش
تحيـا من بحري لصعيدها … من واحاتهـا ل العريش
تحيـا مصر ب كل خير …….. و القلوب زي الحليب
تحيـا جامع جنب دير ……. و الهلال حاضن صليب
تحيا ب ولادها الفواعل ……. مش هتحيا ب الكلام
تحيا مصر ب فعل فاعل ……. قلبه مليان ب الغرام
تحيـا بينـا و تحيـا لينـا …….. عزه و كرامه و إيمان
تحيـا و تعدي السفينــه …… ل بـر مزروع ب الأمان
تحيـا و اما تحيا .. إحنا ….. نحيـا ف عيون الجميع
نحيـا رافعين بيهـا راسنا …. من عجوزها ل الرضيع
تحيـا دنيـا و تحيـا دين ….. رافعـه كل راياتهـا نصر
تحيـا ورده ف كل عيـن ….. تحيـا أم الدنيـــا مصـر
بقلم الشاعر اللواء محمد هيكل(تحيا مصر)
