فضفضة (بقلم ولاء ابوذيد)

لما بنكون بنحلم بحاجه

ونفضل نتمنى وندعى ربنا تتحقق

ونستنى سنين

وسنين وشهور

ونفضل ندعى تتحقق

لما بتحصل بتكون الفرحه بيها تكفى الكون وتفيض

وفى عز الفرحه وانت طاير بين السماء والارض

تفتح عينك ماتلاقيش حاجه

وكانها كانت مجرد حلم وصحيت منه

بس لابتلاقى الفرحه ولا حتى تفاصيل ملامحك
بتلاقى عقلك واقف عن الاستيعاب
وقلبك رافض يرجع مكانه
وحتى عنيك مش عارفه تمحى الصور منها
وبتعرف وقتها ان ربنا كان باعد الحلم دا عنك عشان
هايدبح روحك وهو ماشى
بلاش التمنى بالخيال
بلاش تصنعوا الاحلام وتتمنوا تحقيقها
عشان لما بتختفى بيختفى معاها روحك
عشان عمر اللى بيروح مابيرجع