يا أمة “محمد”
يا أمة “يسوع”
فين الأخوة
فين المروة ؟
ده اتحادكوا هيزيدكوا قوة
لكن الفتن خط أحمر ممنوع
ليه تعيش موجوع
ليه تنخدع
قتل وفتن علشان خاطر حب بين صبية وجدع !
ضرب وقهر ودموع
ليه تعيشوا في هم وخنوع ؟
ليه يا مصري تبقي حزين منطوي ؟
بدل ما تضرب عدوك بالقوي.
ليه تخلي أخوك وراء قضبان الحياة ؟
أيام وسنين وهو مش عارف منتهاه
آن الأوان يا مصري يا مجروح
تدب في عروقك الروح
لا تحزن علي جراح الماضي ولا تنوح
امحي أي قساوة وخليك صفوح
طول ما المودة والصدق بينكم
باب السماء مفتوح
داوم علي الصلاة والعمل
وخليك صبوح
هتعدي أيام الحزن وتروح
خطط عدوك بقت أمر مفضوح
لازم تبقي له جاهز
تخطي الحواجز
كام مرة واقف قدامه عاجز
القصة زي الشمس
بكل نواميس الأرض
حماية أخوك فرض
ليه تخلوا عدوكم مهاب !
ليه يكون بينكم شتائم وسباب
ليه يكون بينكم قطيعة وغياب
دا أنتوا ياما عديتوا صعاب
دي مصر مجمع الأحباب
مودة وتآخي بين المسلمين وأهل الكتاب
بالمحبة والاتحاد وذو الألباب
مش هندي فرصة للصهاينة الكلاب
يفرقوا بيننا
مرة بالشعارات والخطب
ومرة بأقلام وأفلام رديئة وكتب
ومرة بالعدوان والكذب
عايزين يعملوا حرب وشغب
يزرعوا القنابل ويفجروا
يقتلوا الخلايق ويدمروا
اليوم ما فيش خوف ولا انتحاب
مش هنمرغ وشنا في التراب
لا تطبيع ولا سنين احتجاب
هو دا الصواب
مش هندي فرصة للصهاينة الكلاب
مهما يعملوا الذئاب ويقفوا ع الباب
مصر هتفضل مصونة
في سفر الزمان ودفتر الأحقاب.
د. وجيه جرجس
خط أحمر
