مين اللى قالك تستنى الناس تطبطب عليك وتواسى
الدنيا صعبه يا صاحبى…. والكل خلاص أصبح ناسى
مفيش حب مفيش إخلاص ….فية صراع عالكراسى
أوعاك تبكى يوم على اللى ….غدر وقلبه كان قاسى
أوعاك تدى الامان لناس……. باعت وكتمت الانفاسى
عاشر ناس تصون العشرة…. والعهد اللى أصبح دانى
وبيع اللى باع عشرتك وعهدك.. وبقى غريب قاصى
وعيش حياتك بقى ……..وسيب اللى ماشى ماشى
وأمشى ورا خطوتك للحق وأبعد عن طريق المآسى
وأشرب الصبر كاسات……. وأنسى الهم يبقالك فانى
وأدعى ربك ييسرلك أمرك وأدعية بالصبح والتماسى
وحب اللى حبك وأخلص لية….. بصدق وكل التفانى
أوعاك تعيش مخدوع وتسلم …دقنك ودماغك تانى
وأبقى أدعيلى ياصاحبى……. وأتمنى لية كل الامانى
وأنا أعدى ليك لما تسمع كلامى ودحرجلك التهانى
الدنيا صعبه يا صاحبى… والكل خلاص أصبح ناسى
أديب وشاعر مهندس/ محمد عوض
الدنيا صعبة ياصاحبى
