بعشق ترابك يا بلادي محبه مالهاش نهاية ولا حد.
لكن سؤال بيتكرر من عقلية إبن الإيه!!
صليت الجمعه ولا يوم الحد!!
أسمك الثلاثى او الرباعى أعرف ديانتك ايه؟
انا مصرى بحبك يا بلدى أموت فادكى اباً عن جد .
ما تسألنيش على خانة الدين ح تفرق ايه؟
انا المصرى مذهبى وحياتى المحبه والصلاة كلنا على العهد.
ده قرانى وده انجيلى ..ايدنا في ايد بعض.
انا المصرى عاشق تراب بلدى لا فرق بين وليم و حسان .مجد سيدك…. وصلى عليه…. عايز يفرَّقنا ويبعِدنا ليه ؟
قلوبنا مَلاها الوِد والمحبه بين بكر و فلوبتير.عائشه ودميانه،ومرقص و أسامه ابن منقذ..بولس ويونس… عدو الخير عايز ليه تبني ما بينَّا سَد !!
فاكر إنك تهزمنا..ودموع تنزِل فِيوم عَالخَد
أو إنك تقدر تقسمنا طب ليه؟
تنسَى اللي كان بينَّا ..إحناولاد البلد الجامدين المصريين علي مدار الأزمان و الي أبد الابدين.هتقول محبه اية … طب نزعل ونجرح روحنا ليه ؟..محبتنا قويةتمنع أى حد يفرَّقنا ويبعِدنا ..نِقَرَّب روحنا تاني لبَعض ..ايدنا في ايد بعض ..نعَدِّي أي سور أو حَد .
ا.د وجيه جرجس
كاتب وناقد مسرح
