ليه بشوفك
تتكبري وتتغري.
بتتكلمي من طراطيف
مناخيرك وكأنك
إنتي الكون كله
حاطه نفسك بالعالي
كأني بس عبدا ليك
والعبوديه لله …..
أركع وأسجد
وأصلي نسيتي إننا
كلنا من طين
وفي الآخر من الدنيا
بنسيبها لغيرنا
ونخرج منها وبنولي.
بتقولي إنك حلوه
جميله وورده مندي
ليها طعم عطر
وريحه بتطنطط.
ومحتاجه ملاغي
عادي………
بكره تعجزي تكبري
وتشيخي وتصفري
النهارده فرحانه
بطولك عود وجسم
ونهد وأرداف
وإلي يشوفك
منهم بيخاف.
إتواضعي أنا آدم
وإنتي أنس لي
أنا جسر وإنتي
على ضهري
ماشي برجليكي
معدي…….
أنا راجل سندك
وعكازك بحافظ عليك
وبصونك وبخاف
من النسمه لتجرح
إحساسك ومشاعرك
وبحبك رغم المرازي
ليه بشوفك
تتكبري وتتغري
نسيتي إنك بتكلي
من خيري وتمصي
في دمي
عمرك ما شكرتي
وديما بتسبي
تلعني وتذمي.
حطاني على الرف
في تفكيرك.
وعمرك ما غيرتي
في خط لسيرك
وكأنك ملاك نازل
على الأرض.
واحده وما فيش
في وجود غيرك.
لا عبيطه وبتضحكي
على نفسك.
أنا فارس وإنتي
حصان بقول ليك
شيي وقت ما بحب
أركب وأمسك بلجامك
ماشي واقفه
موطي.
ليه بشوفك
تتكبري وتتغري
تنكدي وتعقنني.
خنقاني بكلامك الجارح
بإيديك على رقبتي
تشدي وبتزري.
أنا لما أحبك.
وأعشق تراب رجلك
أبقى إنسان تافه
مليش في حياتك
ستين لازمه.
خيال صوره ماليش
إسم ولا رسم
لا بحل ولا بربط
في مشاكل وإنتي
في حلولك حازمه.
وقوي………
ليه بشوفك
تتكبري وتتغري …
والضحكه من وشك
بتطلع بطلوع
الروح نكديه
وعمرك ماتسري.
ليه بشوفك تتكبري
وتتغري…..
إحمدي ربك
إن لاقيتي واحد
بيحبك وبيدوب
في دباديبك وبيتمنى
ليك الرضا ترضي
وبيسامح وبياخد
على خاطرك
وبيشوفك طول عمره
في ليله شمعه
أو لمبه مضوي
ليه بشوفك تتكبري
وتتغري……..
15/8/2022
(ترنيمات وخواطر .بقلم………..)
(شاعر العاميه/خيرى حسنى….)
(ليه بشوفك)
