للأسف الشديد الناس المتربية علي القيم و المبادء و الصح والغلط وإن لا يصح إلا الصحيح بتتصدم جدا لما يقابلوا الحياة العملية .. لإنها بتكتشف إن البراءة و الطيبة و النية الصافية مش موجودة حاليا وإن العالم الخارجي مش بيحترم أصلك النضيف بل العكس تماما بيشوفوك…
ضعيف..
مع تكرار الصدمات بتبتدي تسأل نفسك هما أهلك ربوك غلط وعلى طريقه حاليا غير موجودة وكان مفروض يفهموك حقيقة الدنيا .. فتبدأ رحلة التغيير و الواقعية و تنشف و تتعلم تواجه الحياة بردود أفعال مناسبة وفي كل شئ من أول التعبير عن اخلاصك لحد تلقائيتك و عفويتك الطيبه..
صراع شديد من أجل الصمود في زمن المنافقين و المطبلاتية و صحاب الألف وش .. صراع صمود مهما كانت التكلفة وعزاءك الوحيد إن ربنا عادل رحيم بيك و إننا في دار فناء و اختبار مش اكتر من كدا و كلنا بنتحرك في قطعه لا تذكر
