كتب عبدالنبى النادى
كشفت الفنانة المصرية الشهيرة يسرا عن أول قصة حب فى حياتها مشيرة إلى قصة معجب بها كان يكتب لها الرسائل بدمائه
وخلال لقائها ببرنامج بيغ تايم بودكاست تحدثت يسرا عن أول قصة حب فى حياتها في المدرسة كنت أحب ولد أكبر مني واكتشفت فىى الآخر بعد لما اتجوزت خالد سليم إنه قريب جوزى كنت هموت وأعرف رأيه فى إيه وكنت شقية وشعري طويل ولذيذة وألفت النظر وطلع واخد باله مني وقال لي ممكن تسمحي لي أكون حبيبك وأنا وافقت
وأضافت الفنانة يسرا بقيت صديقته وجاء طلب إيدي من أبويا وكان سني وقتها 15 سنة قال له ما عنديش بنات للجواز وقتها اتقهرت إنه رفضه وهو هاجر بعدها لأمريكا واتجوز وشُفته بعد لما بقيت نجمة وكنت معزومة عنده وكانت صدفة غريبة لإن حماته اللي كانت عزمانى ولما شفته قلت له الله أنت هنا بتعمل إيه قال لي أنا في بيت حماتى وغرف لى أكل وتكلمنا وبعدها سافر وهاجر
وتابعت أنا وخالد جوزى نعرف بعض واحنا عندنا 7 سنين وما كنتش أعرف إني اللي حبيته واحنا فى المدرسة قريب زوجى
