دنيا غريبـَة وعالـَم أغـرَب ، ولا هَقـدر غيــر أنـي أفـــــــــكــر و أسـتَـغــرَب!
أقعُـد بــقى نرغـي أنا وأنتَ شوَّيـَّـة، وبلاش أعذار علشـان تهــرَب
لحظة هَـ حُط الشاي ع النار.
أهو نتسَّلَي أنا وأنت يا صاحبي
أصل أنا فاضــي ليل ونهـار، والفيس بوك عَدَمنـي وطاحنـــي
أيوَّه زمان كان عندي طموح، أني راح أعلَي لــ فـوق وراح أكبَر
وإللي قدرت أوصَّلُـه سطوح، بيت في الحــارة كمـان متـأجَّر
أيوَّه يا سيدي أنا بضحَـك مالك؟!
أنا لسه بعقلي وماتجننتش
اضحك أنت كمان علي حالك، دي بداية القصة أنا لـسـة ما أتكلمتش!
صُب الشاي بقَــي واسـنـد ضَهـرَك، وناولنــي أكبـَـر كوبايــــَّــة قـدامــــك
وإنسَـي الدنيــا وروَّق فكــرَّك شُـرب الشاي ع السطح حكايّة
إرفع راسك وبُـص لفـوق عِـد نجـوم السمــا لو تقـدَر
لمـا أتأمل فيهــا بَـفـوق، من أوهامي وبحمد وأشكُـر
بص يا سيدي، أنا حالي أتغّـيَّـر، كنت زمان حال غير الحال
ماكنتـش حاسس أني صُـغَـيَّـر! أحلامـي كانت وهم خيال
أيـوَّه أنا عَنـدي يامـا مواهــب ربنا شكـلهـا فـي تكـوينــي
وف محـراب الفن أنا راهـب كَـبَّرت أنا نفسي قُصاد عيني
تفكيري اتمّحوَّر علي ذاتي، إزاي أبقي كبير مشهور
والناس تتمـنَـي تحيـاتـي ويشاوروا عليَّ !!! شـــــوفــــو المغرور
ومعارض بقـيَ هنا وهناك والمسـرح يستنـي لقياك
وجــرايد تكتب وتفَشَّـر نجـم جـديـد وسـط الأفـلاك
ونسيت أني تراب مش أكـتَـر وحياتي في حقيقتها بُخار
يظهــر لثـوانــي ويـتـبَـخَّـر ، والوَهــم فــي يـوم راح ينهـار
وأسانســير المَجــد الباطل أتعَّطَّـل فـجــأة وأنا فيــه
وطموحي في لحظَة بقَي عاطل، والفكر اتغَيَّر معانيه
تجــربــَة كانت قاسية كتير، لكن درسهــا كان مفهوم
كل إللــي بيحصَل للخيـر، حتي لو كان مش مَهضوم
من يومها سَـلِمـت الدَّفَة، ورَفَعـت شراعى للسما فوق
وف حبُه يوماتي بَتدَّفــا مهما تعتِم جـــاي شـــروق
ده سلام ربنا غطَّي وكفَّا أصلُه ده الخالق مش مخلوق
نصيحة
أوعى فى يوم تِتِغَر وتتكبر دى الحياة ثانية عايشنها دلوقت و فى لحظة ممكن نموت.. سيب أمورك على ربنا ودائما اللى شايفه للخير هو ح يكون
