كتير كنا بنختلف لكن المرة دي الكلام والوضع اختلف حسيت أنك شخص ماعروفش وانك انسان بجد عني مختلف جرحتني الجرح اللي معاه اتصدمت و عقلي عن التفكير وقف مش عارف يفهم انت ليه كنت جيت وليه مشيت وليه دموعي عليك هانت وشفت نظره في عيونك قالتلي عشرتك معايا خلاص كااانت انا اتغيرت وعليكي مش باقي واشتريت تانيه زمان بالرخيص سابتني باعت رجعت ليها ورغم قسوتها وعيوبها لكن علي قلبي عمرها ماهانت أيوة بعتك … أيوة بعتك واشتريت اللي زمان باعتني وعاندتني وهان عليها الأسرة والبيت غصب عني دموعي نزلت ازاي هنت عليك وانا اللي وقت ما الدنيا باعتك انا اشتريت وكنت ليك السند والضهر والعيلة والبيت وعشان عيونك للاهل والناس و للكل اتحديت وقولتلي يا أصيلة انتي نور عنيا وجوة حضني ووعد اكون ليكي السكن والحماية من الزمن انا ليكي الأهل والوطن وانتي ليا البيت ايه !؟ هو كان كلام وخلاص كلام مالوش في القلب رصيد أساس لكن بحق خداعي فيك وانكساري اللي باعتك ورمتك زمان راح تبيعك تاني واوعي ساعتها تجيني تسألني عن حبي ليك وحناني لان ردي هايكون كان منه وخلص وكان علي عيني ياغالي
Related posts
-
كتبت نور عباس الله في كل مكان… تأملات في علو قدرته وحضوره الروحي
صباح الخير لكل أحباب نور في كل مكان ، كان فيه شيخ في بلد عربي له... -
نور عباس تكتب دموعي جفت من الألم… وشكرًا يا رب على الفرج
خاطرة جاءتني ،حبيت تشاركوني، من كثرة الدموع المنهمرة،سنين طويلة ،من كثرة الظلم والألم، بعد زمن طويل... -
كتبت نور عباس .تأملات في سورة الأنفال: درس في يقين الكافرين وإجابة الل
مساء الخيرات ،لكل الأصدقاء وكل أحباب نور في كل مكان ،جال لي أية ،ومن جمالها لازم...