اكـرم دره
كلمات متميزه للشاعره سماح ابو عيش
كل شوية تهدد فيا. انك تقدر علي نسياني
فكرك يعني بهجرك ليا. ممكن اموت وتهد كياني
لأ اسمحلي لا معليش. انا دلوقتي لازم امشي
وانسي هواك ومفكرش. لحظة فيها ارجعلك تاني
مش هموت ف البعد بعدك
مش هضيع من غير ماحبك
قلبي ده اللي مرة حبك
سهل برضو يبحب تاني
انت اكتر قلب هاني
انت احساسي اللي خاني
انت شوئي اللي ظلمني
لما قال انك اماني
ترجع تاني تترجاني علشان. تسكن بين احضاني
صعب عليا بعد ده كله. ان امنلك حتي ثواني
طيبة قلبي ياما ورتني. واتحملت عذاب والام
نفس الطيبة كمان خلتني. ابعد عنك وانسي اوام
مش هموت ف البعد بعدك
مش هضيع من غير ماحبك
قلبي ده اللي مرة حبك
سهل برضو يبحب تاني
انت اكتر قلب هاني
انت احساسي اللي خاني
انت شوئي اللي ظلمني
لما قال انك اماني
الشاعرة سماح أبوعيش كلماتك رائعة ومعبرة وحساسة جدا برفوا
دا احساس نابع من قلب عاش الحب وملقهوش احييكي علي الكلمات الرائعه الي نابعه من جوا قلبك تحياتي