بقلم الشاعرة/مني صالح
أنا هعلن العصيان
خلاص القلب مش فارق
يكون خسران
و هتمني أسيب وأبعد
وأخلي الكون يسقفلي
خلاص صعب أتمسك
بحضن ما عدتش بتدفي
ولو مريت ……ع بالي
ألاقي نفسي سمعاني
تقول لقلبي لا انسي
دا هو ده اللي بكاني
خلاص الدمع مش فارق
خلاص القلب إتعلم
وهمحي صورته من كفي
وهعلن فرحتي بهجره
بدل من حب متخفي
خلاص خرجت من قلبه
وقرار من قلبي بالعصيان
تعافر روحي وتقولك
متكسرنيش
أبعد خلاص وسيبني أعيش