إكفينا شر الفضفضة
وعشمنا ع الفاضي
والسندة ع المكسور
ووجعنا بالماضي
والناس اللي بنحبهم
وبيدبحوا روحنا
البعد عنهم شفا
والمصل ل جروحنا
واكفينا وجع الزمن ده
واللي هايجي وراه
واللي بضمير مستخبي
وشر قولة اه
واحمينا من كل واحد
حبنا وفارق
وارزق قلوبنا الصبر
مبقاش في شئ فارق
يارب انت اللي عالم
باللي وصلنا إليه
هنكمل بجسم مريض
لأية ولا اية ولا اية
الصبر من عندك
يارب والقوة
ياما ضحكنا كتير
وبنبكي من جوة