فضفضةمع د/ انجي خورشيد

أنتي مش محتاجه حد يكملك لانك مش ناقصة
وكلمه نص ثاني ….. دا كلام فارغ
ركزي معايا

الأنثي مش بتحلو لما بتطلق ، و لا بتحلو لما تحب ،
ولا بتحلو لما تتجوز ، و لا حتى بتحلو لما بتعيش بعيد عن الرجالة ..

الانثي بتحلو لما بتحب نفسها و تكون مبسوطة ، و لما تحس إنها مش بتجري في سباق عشان ترضي حد ..

الأنثي بتحلو لما بتعمل حساب لنفسها زي مابتعمل حساب لغيرها ..

الانثي بتحلو لما بيبقي عندها ثقة في نفسها وعارفة قيمة روحها كويس اوي..

الانثي اللي عندها ثقه في نفسها و مبادئي وحياء وتمتلك ثقافة عاليه وبنت اصول المعطائة والإيجابية والناجحه والطموحه واللي بتعرف تعمل حدود لاي حد ماظنش ابدا أنها محتاجه لحد يكملها وخدوا بالكم من السطرين دول اللي قولتهم فوق 

ياريت نبطل نربط فكرة السعادة أو التعاسة بشخص ..
مع العلم اني عارفه أن في ناس حظها وحش قلبهم ابيض بس بيقابلوا شياطين اهو دا ابتلاء
بس دا ميمنعش انك تحبي نفسك اوي وتطوري منها
لو انتي مش عارفة تحبي نفسك ، مفيش حد هيقدر يخليكي سعيدة شوفي قدراتك ونميها وغيري من اساليبك ومتديش فرصه لحد أنه يقيمك لانة مش هيديكي حقك شوفي نفسك حلوة ، ومميزة